Specialist i Sektorit për Siguri të Informacionit (m/f)

Aftësitë dhe përvoja e kërkuar:

• Diplomë Bachelor në Shkenca Kompjuterike, Siguri Informacioni, ose një fushë të ngjashme. Certifikimet përkatëse (si p.sh.. CISSP, CISM, CEH) janë avantazh.
• Përvojë e dëshmuar në sigurinë e informacionit ose një rol të ngjashëm.
• Njohuri të forta mbi standardet/kornizat e sigurisë, siç janë ISO 27001, ISO 27005, ISO 22301 ose NIST.
• Ekspertizë në sigurinë e rrjetit, mbrojtjen e pikave fundore dhe teknikat e enkriptimit të të dhënave.
• Aftësi të shkëlqyera për zgjidhjen e problemeve dhe për të punuar nën presion.
• Aftësi të forta komunikimi për bashkëpunim dhe raportim efektiv.

Përshkrimi i vendit të punës:

Po kërkojmë një Specialist të Sigurisë së Informacionit të aftë dhe të motivuar për t’iu bashkuar ekipit tonë. Kandidati i suksesshëm do të jetë përgjegjës për mbrojtjen e aseteve tona dixhitale, sigurimin e përputhshmërisë me protokollet e sigurisë dhe zbutjen proaktive të kërcënimeve të mundshme.

• Hartimi, zbatimi dhe mirëmbajtja e politikave, procedurave dhe udhëzuesve të përgjithshëm për sigurinë e informacionit.
• Monitorimi dhe vlerësimi i sistemeve të rrjetit për të identifikuar dobësitë dhe për të zbutur rreziqet.
• Kryerja e vlerësimeve të rregullta të sigurisë, përfshirë testimet e penetrimit dhe skanimet e dobësive.
• Menaxhimi i veglave dhe teknologjive të sigurisë, siç janë firewall-et, softuerët antivirus dhe sistemet për zbulimin e ndërhyrjeve.
• Reagimi i shpejtë ndaj incidenteve të sigurisë, hetimi i shkeljeve dhe rekomandimi i zgjidhjeve për të minimizuar rreziqet e ardhshme.
• Bashkëpunimi me departamentet e tjera për të siguruar ndërgjegjësimin dhe trajnimin mbi sigurinë për të gjithë punonjësit.
• Informimi për trendet, kërcënimet dhe teknologjitë më të fundit të sigurisë kibernetike për të sugjeruar përmirësime.
• Menaxhimi dhe zbatimi i proceseve për identifikimin dhe vlerësimin e rreziqeve të TI-së, si dhe sigurimi i planeve të zbutjes së tyre.
• Hartimi dhe përditësimi i planeve të Vazhdimësisë së Biznesit për të garantuar rifillimin e operacioneve në rast emergjencash.

Çfarë ofrojmë ne?

• Një mjedis pune që promovon komunikimin e hapur dhe transparent;
• Mundësi për rritje profesionale brenda një mjedisi dinamik bankar;
• Mbulimin e sigurimit shëndetësor për punonjësin;
• Të Premten me orar të shkurtuar;

Procedura e aplikimit:

Plotësoni formën për aplikim online. Pas seleksionimit të dokumentacionit do të ftohen vetëm kandidatët të cilët do të hyjnë në listën e ngushtë. Siguria e të dhënave dhe parimet e privatësisë janë të rëndësishme për ne. Ne do t’i trajtojmë të dhënat e juaja me konfidencialitet të plotë.

Afati i aplikimit është deri me datë: 28 Prill 2025.